Tuesday, January 05, 2010

ஸ்ரீ சாய் சத் கதை மகிமை - 3

திரு பாபாவின் சத் கதை மகிமை
திரு பாபாவின் திரு வாக்கில் உள்ளபடி
“என் நாமத்தை அன்புடன் ஒருவர் சொன்னால் ,
அவருடைய எல்லா ஆசைகளையும் நான் பூர்த்தி செய்து
அவருடைய பக்தியைஅதிகரிக்கச் செய்வேன்
என் சரிதத்தையும் அற்புத செயல்களையும்
யார் பாடுகிறாரோ அவருக்குமுன்னும் பின்னும்
மற்றும் எல்லா புறங்களிலும் தோன்றி காப்பேன்.
என்னிடம் ஆத்மா பூர்வமாகவும் இதய பூர்வமாகவும் பக்தி கொண்ட
என் பக்தர்கள் இந்த கதையைக் கேட்டு மிகவும் மகிழ்வர்.
என் லீலையைப் பாடுபவர்களுக்கு எல்லை இல்லா பூரிப்பும்,
நிலைத்த மன நிறைவும் தருவேன் என்பதை நம்புங்கள்.
என்னிடம் பூரணமாக சரணடைந்தோரை ,என்னை பூசிப்பவரைஎன்னை
நினைப்பவரை என்னைத் த்யாநிப்பவரை துன்பங்களிலிருந்து
விடுவிப்பேன்.இது எனக்கு மட்டும் உரித்த சீரிய குணம்.
பூவுலக பொருட்களும் உணர்வுகளும் அவர்களுக்கு நினைவிலேயே
இருக்காதுஎன் பக்தர்களை மரணத்திலிருந்து காப்பேன்.
என் கதையை கேட்பவர் நோய் நொடி அண்டாமல் வாழ ஆசி அளிப்பேன்
அதனால் மகிழ்வும் நிறைவும் அடைய என் கதையை பக்தியுடன் கேட்டு
அதை த்யானித்து உள்வாங்கிக் கொள்ளுங்கள்.
என் பக்தர்களின் அகங்காரங்களும்,ஆணவமும் அழியும்.
கேட்பவர்கள் மனம் அமைதி உறும்.,
மனம் ஒன்றி, நம்பிக்கையுடன் கேட்டாலோ
பேரின்பபேறு நிலையையே அடையலாம்.”
சாயி சாயி என்ற நாமம் மனம் வாக்கு செய்கை போன்றவற்றினால் செய்யும் பாவங்களை நீக்கும்."
சாயி ராம்.

No comments: