Monday, December 13, 2010

ஸ்ரீ சாயி துதி பாடல்கள் - 8

ஓடக்காரர் சாய்

மனமென்னும் தோணி ஏறி
சினமென்னும் துடுப்பிட்டு
பேராசைச் சரக்கேற்றி
ஆணவமாய்க் கடலாடும்
வாழ்க்கைப் பயணமதில்
துன்பப் புயல் தாக்கி
துயரப் பாறையிலே
மோதிடும் வேளை

ஏலே ஏலே ஏலேலேலேலோ
ஐலசாஐலசா
வந்திடுவான் சாயீசா சாயீசா

கருணை எனும் தோணியிலே

அன்பென்னும் துடுப்பிட்டு
ஆசி எனும் சரக்கிட்டு
வந்திடுவான் ஓடக்காரன்
காத்திடுவான் சாய் ராமன் .

ஏலே ஏலே ஏலேலேலேலோ
ஐலசா ஐலசா
வந்திடுவான் சாயீசா சாயீசா

வாழ்வெனு மாயச் சுழலிலே சிக்கி
வாழ்வாதாரம் துழாவிக் களைத்து
மாய்வோமோ எனத் திகைத்து விழித்து
ஓய்ந்திடும் வேளை தேடி வருவான்
பாய்மரக் கப்பலில் ஏற்றிட வருவான்

ஏலே ஏலே ஏலேலேலேலோ

ஐலசா ஐலசா
வந்திடுவான் சாயீசா சாயீசா

சாய் சாய் சாய் என்று
 என்றும் செபித்தால்
முன் பல பின் பல
சென்மம் எடுத்தால்
முதலிலும் முடிவிலும்
வாய் மறவாது.

ஏலே ஏலே ஏலேலேலேலோ
ஐலசா ஐலசா
சொல்லிடுவோம் சாயீசா சாயீசா

No comments: