Thursday, October 06, 2011

வெற்றித்திருநாள்

அழைத்ததும் உடனே  துர்கையாய் வந்து
கொலுவில் அமர்ந்தது சாய் அன்னைதான்
மன பயம் நீக்கி அக ஒளி தந்திட
கொலுவில் அமர்ந்தது சாய் அன்னைதான்

அழைத்ததுமுடனே லக்ஷ்மயாய் வந்து
கொலுவில் அம்ர்ந்தஹ்டு சாய் அன்னைதான்
வறுமையை  நீக்கி செல்வம் அளித்திட
கொலுவில் அமர்ந்தவள் சாய் அன்னைதான்

அழைத்ததுமுடனே சரஸ்வதியாய் வந்து
கொலுவில் அமர்ந்தது சாய் அன்னைதான்
அஞ்ஞானம் நீக்கி மெய்ஞானம் தந்திட
கொலுவில் அமர்ந்தவள் சாய் அன்னைதான்

நிரந்தரமாய்  என்றும் என்னுள்ளே தங்கிட
வரம் எனக்கருள்வாள் சாய் அன்னைதான்
நன்றியுடன்  தினம் பக்தியை இழைத்து
பணிந்தால் கரைபவள் சாய் அன்னைதான்

சாய் சரணம் தாயே சரணம்









Wednesday, October 05, 2011

sri sai navamani maalaa -navarathri bhajan -9

video
 
தெவிட்டாத தேனமுதாய் அருளமுதம் தந்தாய்


செவிக்கினிது இறை நாமம் நிறை என்று சொன்னாய்



மணமுள்ள மலர்களே கீர்த்தனைகள் என்றாய்

வணங்கித் தினம் துதித்தே பாடிடவும் சொன்னாய்



மணிமாலை கோர்த்திடல் போல் இறை நாமம் என்றாய்

எண்ணிடுக சிதறாமல் அவன் நாமம் என்றாய்



 தடுத்து ஆளும்  வல்லோன்அவனென்று சொன்னாய்

உடும்பெனவே பற்றிடுக பாதங்களை என்றாய்



பலமுறைதான் அர்ச்சிக்க அவன் நாமம் என்றாய்

பலம் தந்து காத்திடுவான் அவனென்று சொன்னாய்



தரை மீது உடல் பதித்தே வணங்கிடவே சொன்னாய்

வரை இல்லை அவன் கருணை நிச்சயம்தான் என்றாய்



கண்ணனிடம் கோபியர் போல் நட்பாகு என்றாய்

எண்ணங்களே புனிதமாகும் அறிவாய் நீ என்றாய்



சேவை செய் சேவகனாய் மனம் குளிரும் என்றாய்

தேவை ஏதுமில்லை என உணர்வாய் நீ என்றாய்



ஆத்மா நிவேதனமே முக்தி என்று சொன்னாய்

உத்தமர்கள் செல்லும் வழி இதுவென்று சொன்னாய்



Shirdi sai saraswathi-navarathri bhajan -8

சாய் சரஸ்வதி கருணை புரிந்ததால்
தமிழ் பாடல் நான் எழுத விழைந்தேனம்மா
சரணம் சரணம் சாய் சரணம்

பிழை பொறுத்து அருள் கொடுத்து ஆசி அளித்ததால்
இசை கோர்த்து நான் பாட விழைந்தேனம்மா

குறையாத சொல் வளமும்
இசை போட்டு பாடிடவும்
உன்னருளைப் பெற்றிடவும்
விழைந்தேனம்மா
கதி நீயே என வேண்டி உன் பாத கமலத்தில்
video
வீழ்ந்தே கிடந்திட அருள்வாயம்மா

Tuesday, October 04, 2011

சாய் சரஸ்வதி -Navarathri Bhajan -7

சாய் சரஸ்வதி




நான் முகன் நாவினில் நடமிடும் தேவி சரஸ்வதி

மும்முக தத்தாத்ரேய அவதாரம் சாயீ சரஸ்வதி



ஒரு மனத்துடன் உனை நினைத்ததும் தாயே

இரு கரங்களால் எனை அணைத்திடும் சாயி

.

.ஜெய் ஜகதீஸ்வரி தாயே சரஸ்வதி

ஓம் ஜகதீஸ்வரி சாயீ சரஸ்வதி



வெண் தாமரையின் மேல் வீற்றிருந் தெங்ளைக்

காத்திடும் ஞான தேவி நீயே

த்வாரக மாயியில் வீற்றிருந்தெங்களுக்(கு)

கறிவுரை தந்திடும் சாயி நீயே.



ஜெய் ஜகதீஸ்வரி தாயே சரஸ்வதி



ஓம் ஜகதீஸ்வரி சாயி சரஸ்வதி



கரங்களில் வீணை இருத்தி எந்நேரமும்

கானம் இசைத்திடும் தாயே சரஸ்வதி.

பக்தர்கள் நாம உச்சாடனம் செய்கையில்

நர்த்தனம் ஆடிடும் சாயி சரஸ்வதி.



ஜெய் ஜகதீஸ்வரி தாயே சரஸ்வதி



ஓம் ஜகதீஸ்வரி சாய் சரஸ்வதி



ஞானமும் கல்வியும் கேள்வியும் பெருகிட

ஆசியளித்திடு தாயே சரஸ்வதி -நாங்கள்

நாளும் உந்தன் தாள் பணிந்திடவே

வாழ்த்தி அருளிடு சாயி சரஸ்வதி.



ஜெய் ஜகதீஸ்வரி தாயே சரஸ்வதி



video
ஓம் ஜகதீஸ்வரி சாய் சரஸ்வதி

ASHTA LAKSHMI SAI- NAVARATHRI BHAJAN -6

video
மங்களம் தந்திடும் ஆதி லக்ஷ்மியாய்
 தான்ய வளம் தரும் தான்ய லக்ஷ்மியாய்
சாயியை தரிசித்தால் மங்கலமே
பவபயம் நீக்கிடும் தைர்ய லக்ஷ்மி
துர்கதி நாசினி கஜலக்ஷ்மியாய்
சாயியை தரிசித்தால் மங்கலமே
சந்தானம் நல்கிடும் சந்தான லக்ஷ்மி
நற்கதி தந்திடும் விஜயலக்ஷ்மியாய்
சாயியை தரிசித்தால் மங்கலமே
ஞானம் தந்திடும் வித்யா லக்ஷ்மி
செல்வம் தந்திடும் தனல்க்ஷ்மியாய்
சாயியை தரிசித்தால் மங்கலமே
சரணம் .............................

Monday, October 03, 2011

Sri Sai Mahalakshmi -navarathri Bhajan -5

video
சீரடி வாசினியே
அற்புதங்கள் செய்பவளே
சமாதி மந்திரில் கொலுவிருப்பவளே
சரணம் .............
அஷ்ட ஐஸ்வர்யம் தரும், தேவி மகா லக்ஷ்மி
சீலமாய் வாழ சீரருள் புரிபவள் 
சரணம்..............
குணமுடன் வாழக் குறைகளை களைபவள்
வளமுடன்  வாழ வருதுயர் அழிப்பவள்
சரணம்.........
கருமங்கள் நீங்க ஆசியைத் தருபவள்
குரு வாய்  தேவி மகா லக்ஷ்மி



Saturday, October 01, 2011

Shirdi Sai mahakali - navarathri Bhajan - 4


video
             மகா காலி மகா துர்கே
சீரடி சாய் அனந்த தாயீ
பக்தருக்கருளும் பரமேஸ்வரி
சீரடி சாய் பிரேம மாய்
துஷ்டரை நசிக்கும் துர்கா தேவி 
சீரடி சாய் கருணை மாய்
பரிவுடன் வரம் தரும் பவானி தேவி

Sri Sai jagadhamba -navarathri bhajan -3

video
 சாய் மாதா        ஜெயா துர்கா
     சாய் மாதா  ஜகதம்பா
 சாய் மாதா விஸ்வ  ரூபிணி
கொலுவிருந்து அருளம்மா
சாய் மாதா ஜெயா துர்கா
கரம் காட்டி அருளம்ம்மா
பரமேஸ்வரி ஜெயதுர்கா
சாஈச்வரி  அருளம்மா  

Thursday, September 29, 2011

Tuesday, September 27, 2011

ஸ்ரீ சாய் வரவேண்டும் --நவராத்திரி பஜன் -1

அம்மா தாயே வா வா என்று உன்னை அழைப்பேன்
வந்து கொலுவீற்றருள்வாய்
அம்மா தாயே ஷிர்டி தாயே எங்கள் வீட்டில்
video
வந்து கொலுவீற்றருள்வாய்

Wednesday, August 31, 2011

ஸ்ரீ சாய் கணபதி

கணராஜ கஜானன தேவா
கணபதி மகாப்ரப்ஹோ
சாய்நாத மகாராஜா தேவா
ஷிர்டிபதி மகாபிரப்ஹோ

சித்தி அருளும் சித்தி விநாயகன்
முக்தி அருளும் ஷீரடியின் நாயகன்

தம்பி மனம் மகிழ கஜ வேடம் பூண்டு
வள்ளியுடன் இணைத்திட பூலோகம் வந்தார்
பிள்ளையார் ......................................................
நம்பினவர்க்கருள நிஜமாகவதரித்து
உதியள்ளித் தந்தருள பூலோகம் வந்தார்
சாயியார் ................................................................

பாலோடு தேன் கலந்து பாகும் பருப்புமிட்டு
அவலோடு அப்பம் தந்தால் சங்க தமிழ் தருவார்
பிள்ளையார் .........................................................
பரிவோடன்னம் கலந்து அன்னதானம் செய்து
ஷ்ரத்தா சபூரி தந்தால் தங்க வாழ்வு தருவார்
சாயியார்..................................................................................

தாயே உலகமென்று தாயை வலம் வந்த
சேய் தானே லீலை செய்து மாம்பழத்தைப் பெற்றார்
பிள்ளையார்...............................................................
சேய் வேண்டுமெனக் கேட்ட பக்தருக்குதவிடவே
சாய்தானே லீலை செய்ய மாம்பழத்தைத் தந்தார்.
சாயியார்............................................................................

சித்தி அருளும் சித்தி விநாயகன்

முக்தி அருளும் ஷீரடியின் நாயகன்

video

Friday, July 15, 2011

உந்திருமுகம் கண்டேன்..




உதித்தெழுந்த சூரியனில் உந்திருமுகம் கண்டேன்
கதிநீயே எனக்கரங்கள் கூப்பி உனைத் தொழுதேன்
ஜோதி ஒன்று அகலில் இட்டுன் சன்னதியில் வைத்தேன்
சாயி எங்கும் எதிலும் உன் அருளே அப்பா
குதித்தோடும் அருவியிலே உந்திருமுகம் கண்டேன்
அதிகாலை பொழுதினிலே கலத்தில் அதை பிடித்தேன்
வார்த்ததனை உன்மீது அபிஷேகம் செய்தேன்
சாயி எங்கும் எதிலும் உன் அருளே அப்பா
பூத்திருந்த மலர்களிலே உந்திருமுகம் கண்டேன்
எத்திசையும் மணம் பரப்பும் மலர்களை நான் பறித்தேன்
கோர்த்ததனைச் சரமாக்கி உன் கழுத்தில் இட்டேன்
சாயி எங்கும் எதிலும் உன் அருளே அப்பா
பக்தி கான கோஷ்டயிடை உந்திருமுகம் கண்டேன்
முக்தி தரும் உன் நாம சப்தமும் நான் செய்தேன்
சத்குரு உனைப் பாடி மகிழ சக்தி எனக்கு தந்தால்
இத்தரையில் வேறெந்த சுகமும் நானும் வேண்டேன்
ஓம் சாயி ஸ்ரீ சாய் ஷிர்டி சாயி நாதா
ஓம் சாயி ஸ்ரீ சாயி சத்குரு சாயி நாதா

Sunday, May 15, 2011

சாய் நாமம் கற்கண்டு நாமம்

video
கற்கண்டாய் இனிப்பதெது  உந்தன் நாமம் அதுவே
உந்தன் நாமம் சொல்லாத நா என்ன நாவோ
தேனமுதாய் பாய்வதெது உந்தன் நாமம் அதுவே
உந்தன் நாமம் கேளாத செவி என்ன செவியோ
சாய் ராம் சாய் ராம் சாய் ராம் சாய் ராம் சாய் ராம்

கதிரவன்  போல் ஒளிர்வதெது உந்தன் உருவம் அதுவே
உந்தன் உருவம் காணாத விழி என்ன விழியோ
தாய்மை பாசம் பொழிவதெது உந்தன் விழியின் கனிவே
உந்தன் கனிவில் இளகாத மனம் என்ன மனமோ
சாய் ராம் சாய் ராம் சாய் ராம் சாய் ராம் சாய் ராம்

சுகமளிக்கும் கீதமேது உந்தன் ஆசி அருளே
உந்தன்  அருளில் மூழ்காத வாழ்வென்ன வாழ்வோ
மெய்ஞானம் தருவதெது உந்தன் பாத தடமே
உந்தன் பாதம் வீழாத மெய் எனா மெய்யோ
சாய்ராம் சாய்ராம் சாய் ராம் சாய் ராம் சாய்ராம்









Tuesday, May 10, 2011

சாய்க்கு ஆராதனை

video
சமஸ்த சத்குரு ஸ்ரீ சாயி நாதா மகாராஜ் கீ ஜெய்



ஆராதனை செய்வோம்

ஆராதனை செய்வோம் -சாய்க்கு

ஆராதனை செய்வோம்



ஆனந்த கண்ணீரால் அபிஷேகம் செய்து

அன்பென்னும் சந்தனத்தை மேனிக்குப் பூசி

உண்மையையும் நம்பிக்கையையும் மேலங்கி ஆக்கி

எட்டுவித உணர்ச்சிகளால் மலர் மாலை சாத்தி (ஆராதனை)



ஒருமையையும் பொறுமையும் பழத்தட்டில் வைத்து

பக்தி எனும் நறுமண பொடியைத் தலைக்கிட்டு

பற்றென்னும் ஆடையை இடுப்பில் அணிவித்து

அகம்பாவத்தைக் கோர்த்து அணிமணிகளாக்கி (ஆராதனை)



அகங்குளிர அருள்வேண்டி சாமரம் வீசி

ஆன்மா மெய் ரெண்டினையும் நிவேதனமாய் படைத்து

நன்றியையே இசையாக்கி ஆரத்தி எடுத்து

திருப்பாத கமலத்தில் தலையை சாய்ப்போம் (ஆராதனை)


நன்றி: ஸ்ரீ சாய் சத் சரிதத்தில் திரு ஹெமட்பந்த் அவர்கள் இப்படி ஒரு ஆராதனை முறையை கொடுத்துள்ளார்.
எனக்கு திரு சாய் அருள் செய்து என் வேண்டுகோளை நிறைவேற்றியதால்
நன்றியையே இசையாக்கி ஆரத்தி எடுத்து

திருப்பாத கமலத்தில் தலையை சாய்ப்போம் (ஆராதனை)
என்ற வரியை நான் சேர்த்து ஆராதனை செய்திருக்கிறேன்.









Saturday, April 30, 2011

ரங்கா ரங்கா விட்டலா சாய் ரங்கா விட்டலா




ஓம் ஹரி ஓம் ஓம் ஹரி ஓம் ஓம் ஹரி ஓம்

ரங்கா ரங்கா விட்டலா பாண்டு ரங்கா விட்டலா
ரங்கா ரங்கா விட்டலா சாய் ரங்கா விட்டலா
ரங்கா ரங்கா பாண்டு ரங்கா
ரங்கா ரங்கா சாய் ரங்கா
பண்டரினாதா பாண்டு ரங்கா
சீரடி நாதா சாய் ரங்கா

செங்கண் மாலவன்   தரிசனம் தருகையில்
ஆங்கே நில்லேன செங்கல்லை எறிந்து
பாங்காய் தந்தை தாய்க்குப் பணி செய்த
ஆங்கோர் பக்தன் புண்டரீகனாம்
ஓங்கி உலகளந்த அச்சுதன் அதனால்
செங்கல் மேல் நின்று விட்டலனானான்.

ரங்கா ரங்கா விட்டலா
பாண்டு ரங்கா விட்டலா

சங்கு சக்ரம் போல் சுழன்றே வந்த
செங்கல்லைத்தன் தவத்தால் நிறுத்தி
பாங்காய் குருவிற்குப் பணிவிடை செய்த
தங்கத் திருமகன் சாய்நாதனை
வேங்குசா குருபரர் காத்தருளியதால்
செங்கல்லே சாய் தலையணை ஆனதாம்

ரங்கா ரங்கா விட்டலா
சாய் ரங்கா விட்டலா


ரங்கா விட்டல னென்றும் ரங்கா சாய் என்றும்
கரங்களைக் கூப்பி நாமம் சொல்லும்போது
பொங்கும் அமைதியதில் ரெண்டும் ஒன்றென
ரங்கா விடலனே ரங்கா சாய் என்றும்
ரங்கா சாய் ரங்கா விட்டல னென்றும்
அங்கம் முழுதையும் வீழ்த்தி பணிவோமே

Thursday, April 21, 2011

ஸ்ரீ சாயியைப் பணிந்தேன்

video

   ஓம் ஸ்ரீ சாய் ராம் ராம் ராம் jeya  ஸ்ரீ சாய் ராம் ராம்
ஓம் ஸ்ரீ சாய் ராம் ராம் ராம் ஜெய ஸ்ரீ சாய் ராம் ராம்
 ஓம்ஸ்ரீ  சாய் ராம் ராம்  சத்குரு சாய் ராம் ராம்
சாய் ராம் சாயிராம் சாய்ராம் சாய் ராம்

பணிந்தேன் உந்தன் பாத மலரதனை
அடைந்தேன்  எந்தன் பிறவி பயனதை
சாய் ராம் சாய் ராம்
சாய் ராம் சாய் ராம்

துதித்தேன் உந்தன் திரு உருவதை
குவித்தேன் எந்தன் கரங்களாமதை
சாய் ராம் சாய் ராம்
சாய் ராம் சாய் ராம்


பார்த்தேன் உந்தன் கருணை விழியதனை
மறந்தேன் எந்தன் பெரும் துயர்தனை
சாய்ராம் சாய்ராம்
சாய்ராம் சாய்ராம்

கேட்டேன் உந்தன் தூய நாமந்தனை
சிலிர்த்தேன்  எந்தன் எளிய மெய்தனை
சாய்ராம் சாய்ராம்
சாய்ராம் சாய்ராம்

பிடித்தேன் உந்தன் கமல கரந்தனை
அர்ப்பணித்தேன் எந்தன் உடல் பொருள்தனை
சாய்ராம் சாய்ராம்
சாய்ராம் சாய்ராம்

 

Monday, April 11, 2011

ஸ்ரீ சாயிராம நவமி

video
ராமனை நினை மனமே - ஸ்ரீ
ராமனை நினை மனமே - சாய்
ராமனை நினை மனமே -எந்நேரமும்
ராமனை பணி மனமே.

ராமும் ரஹீமும் ஒன்றென உரைத்து
ஒற்றுமை பெருகிட உயர்வழி காட்டிய

ஒருமையும் பொறுமையும் நன்றென  நவின்று
தக்ஷிணை பெற்று நல்வழி காட்டிய

குரு தாள் பணிந்து குருசேவை செய்தே
முக்தியடையும் நெறி வழி காட்டிய

அன்னையைப் போலே அன்புடன் அனைவர்க்கும்
அன்னம் கலந்து அறவழி காட்டிய

அருமருந்தாகிய திரு உதி அளித்து
நோய்களை நீக்கி செவ்வழி காட்டிய

யாமிருக்கையிலே பயம் எதற்கென்று 
அபயம்  அளித்து  திரு கரம் காட்டிய

இகபர இச்சைகள் இனி நம்மை விட்டிட
கண்கண்ட தெய்வமாய் கலியுகம் காட்டிய

சீரடி மண்ணில் காலடி வைத்தால்
ஓடிடும் துன்பங்கள் என வழி காட்டிய

நவவித பக்தி என்றவர் தொகுத்திட்டு
நவமணி மாலையாய் நல்கிய சத்குரு

ராமனை நினை மனமே - ஸ்ரீ

ராமனை நினை மனமே - சாய்

ராமனை நினை மனமே -எந்நேரமும்
ராமனை பணி மனமே






Saturday, April 02, 2011

அவரருள் கேளுங்கள்

அவரருள் கேளுங்கள்

video

கேட்டதும் கொடுப்பவன் சாய்ராமன்
கேட்டதைக் கொடுப்பவனே

கேளுங்கள் அவரைக் கேளுங்கள்
கேளுங்கள் அவரருள்கேளுங்கள்

நினைத்ததும் கொடுப்பவன் சாய்ராமன்
நினைத்ததைக் கொடுப்பவனே

கேளுங்கள் அவரைக் கேளுங்கள்
கேளுங்கள் அவரருள் கேளுங்கள்

கேட்டது கிடைத்தால் கேட்டதும் கிடைத்தால்
நினைத்தது கிடைத்தால் நினைத்ததும் கிடைத்தால்

பணியுங்கள் அவரைப் பணியுங்கள்
பணியுங்கள் அவரடி பணியுங்கள்.





 

Wednesday, January 19, 2011

ஸ்ரீ ஷிர்டி சாயி துதிகள் - 13

சாயி ராம நாமம் 

ராம ராம ஜெயா ஸ்ரீ சாயி ராம் 
ராம ராம ஜெயா ஓம் சாய் ராம்

சீரடி மண்ணிலே நிலைத்தவராம்
சீரடியால் நம்மை ஆள்பவராம்
தீரா நோய்களைத் தீர்ப்பவராம் 
நேரா துன்பமென் ரருள்பவராம்

ராம ராம ஜெயா ஸ்ரீ சாயி ராம் 
ராம ராம ஜெயா ஓம் சாய் ராம்

சுமைகளை அவரே சுமப்பாராம் 
அமைதிக்கு அவர் வழி வகுப்பாராம் 
நம் விதியை அருளால் மாற்றுவராம் 
தம்மைத் துதிப்போர்க்கென்றும்  ஜீவிதராம் 

ராம ராம ஜெயா ஸ்ரீ சாய் ராம்
ராம ராம ஜெயா ஓம் சாய் ராம் 

ஜோதிடம் மறுத்ததை நல்குவராம் 
ஜோதியாய் என்றும் ஒளிரபவராம்
வற்றிய  பாலையை நிரப்பினராம்
பற்றிய தீயையும் அணைத்தவராம்

ராம ராம ஜெயா ஸ்ரீ சாய் ராம்
ராம ராம ஜெயா ஓம் சாய் ராம்

தண்ணீரில் தீபம் ஏற்றினாராம்
எண்ணிலா லீலைகள் புரிந்தவராம் 
அல்லா ஹரியே என்றாராம்
பொல்லா த்வேஷம் என்றாராம் 


ராம ராம ஜெயா ஸ்ரீ சாய் ராம்
ராம ராம ஜெயா ஓம் சாய் ராம்

கங்கினுள் கரங்களை இட்டாராம் 
ஆங்கோர் மழலையைக் காத்தாராம் 
தூய்மையாய் பக்தி செய் என்றாராம்
மெய்ஞானம் தரும் என்றாராம் 


ராம ராம ஜெயா ஸ்ரீ சாய் ராம்
ராம ராம ஜெயா ஓம் சாய் ராம்

குரு சேவை செய் என்றாராம்
தருமது விநயம் என்றாராம்
குல தெய்வம் தொழு  என்றாராம்
பலமது அகத்திற் கென்றாராம்


ராம ராம ஜெயா ஸ்ரீ சாய் ராம்
ராம ராம ஜெயா ஓம் சாய் ராம்

த்யானம் செய்திடு என்றவராம்
ஞானத்தால் கர்மத்தை பொடிப்பாராம்
யாமிருக்க  பயமில்லை என்றாராம்
ஓயாதென் நாமம் சொல் என்றாராம் 

ராம ராம ஜெயா ஸ்ரீ சாய் ராம்
ராம ராம ஜெயா ஓம் சாய் ராம்

ஆசை அஹங்காரம் அழித்தாராம் 
நேசமாய்  பக்தியை தூவினாராம்
பக்தர்கள் மனதில் உறைபவராம்
முக்திக்கு வழியை காட்டுவாராம் 

ராம ராம ஜெயா ஸ்ரீ சாய் ராம்
ராம ராம ஜெயா ஓம் சாய் ராம்

செல்வம் காமம் தீதேன்றாராம் 
எல்லாம் மாயைதான் என்றாராம்
தானம் கருணை நன் றேன்றாராம்
மௌனம் பொறுமை நலமென்றாராம்

ராம ராம ஜெயா ஸ்ரீ சாய் ராம்
ராம ராம ஜெயா ஓம் சாய் ராம்

குரு தட்சணை ரெண்டு கேட்பாராம் 
ஷ்ரத்தா சபூரி என்பாராம்
பரிபூரணமாய் வாழ்வீராம்
பாதங்களை சரணடை வீராம் 

ராம ராம ஜெயா ஸ்ரீ சாய் ராம்
ராம ராம ஜெயா ஓம் சாய் ராம்
ஸ்ரீ சாயி ராம் ஜெயா சாய் ராம் 
video

Wednesday, January 12, 2011

ஸ்ரீ சாயி துதிகள் - 12

video
குருவருள் திருவருள்

நிலையானது அந்த  குருவின் அருள் - என்றும்
நிலையானது அந்த குருவின் அருள் 
நிலையற்றதென்றும கை  மாறும் பொருள்

தொழுதல் செய்யா  சிந்தை  பயனில்லைதான்  - அவனை
 தொழுதல் செய்யா  சிந்தை  பயனில்லைதான்
உழுதல் செய்யா விதைத்தால்  பயனில்லைதான்

புடமிட்ட தங்கமென ஜ்வலிக்க வைப்பார் -நமை
புடமிட்ட தங்கமென ஜ்வலிக்க வைப்பார்
தடங்கல் தந்தவனடியை சேர வைப்பார்

மலை போல துன்பங்கள் மலைக்க  வைக்கும் - மா
 மலை போல துன்பங்கள் மலைக்க  வைக்கும்
மலையையே குடையாக்கி நமைக் காப்பார்.

மனம் வாக்கு காயமுமே பழுதடையும் - நம்
மனம் வாக்கு காயமுமே பழுதடையும்
ஞான குரு அதனை  சீராக்கி  வணங்க வைப்பார்.

மனம் பதறாதே நிலை குலையாதே - என்றும்
மனம் பதறாதே நிலை குலையாதே
சாய் நாமம் துதித்தாலே போதுமப்பா.

சாயி ராமன் தாள் பணிவோம் 
சாய் நாதன் நாமம் சொல்வோம்
கரம் கூப்பி தொழுதிடுவோம்
சிரம் தாழ்த்தி வணங்கிடுவோம் 
















Saturday, January 01, 2011

ஸ்ரீ சாயி துதிகள் - 11

தா என்று கேளேன் இனி

குருவெனும் அருளுலை ஒளிக்கங்கு பட்டறையில் 
செருக்கெனும் இரும்பாகிய எனையிட்டு
குருஉரைஎனும் செம்மட்டியால்  தகடாகி
இறுதியில் நான் இளகில் ஆன்ம ஞானமே.

என்னை வெளியகற்றி உன்னை உள்ளிறுத்தி
நான் நீயாகிடில் எனக்கென்று கேட்கும்
தன்னாசை இச்சைகள் வெளிப்போந்து
உன்நாமம் சொல்லுதல் எளிதன்றோ?

சொல்லின் நீ மனமுவந்து செய்வாய்
அல்லல் படும் இப்பிறவி  துயர்அறுத்து
வல்வினை நான் செய்த முன்பிறவியும் சேர்த்து
எல்லா வல்லமையும் கொடுத்து அணைப்பாய்

நானாக நானில்லை எனும்போது
தேனான உன் நாமம்  சொலும்போது
நானெந்த தீவினையும் எஞ்ஞனம் செய்திடுவேன்?
ஆனந்த பேரின்ப பேரருள் வெள்ளந்தான்.

எல்லோருக்கும் ஒரீசன் அவனே நமக்கு எஜமானன் 
என்றே சொன்னார் குருபரனாம் 
சாய் ராமெனும் சத்குருவாம்
எல்லாம் நீயே சர்வேசா
 எல்லாருக்கும் நீஈசா 
ஒன்றாய் சொல்வோம் சாய் நாமம் 
சாய் ராம் சாய் ராம் சாய் ராம