Thursday, October 03, 2013

Sri Shirdi Sai Chavadi uthsavam

http://www.youtube.com/watch?v=PV91k5AyvHU


ஸ்ரீ சாய் சத் சரிதம் -37அத்யாயம் -சாவடி தரிசனம் 

ஸ்ரீ சாய் ஒரு இரவில் மசூதியில் உறங்குவார்.மறு இரவில் சாவடியில் உறங்குவார்.
மசூதியில் இருந்து சாவ டிக்கு செல்வதை ஒரு உத்சவமாக ஷிர்டி பக்தர்கள் செய்வார்கள்.

ஷீரடியில் தினம் உற்சவமே 
பேரொளி நயன வைபவமே
தெய்வீக  ஆனந்த தரிசனமே 
மெய் சிலிர்ப்பதொரு அனுபவமே.

ஒரு இரவினிலே சாவடிதன்னிலே 
மறு இரவினிலே மசூதி தன்னிலே 
நித்திரை செய்ய ஷீரடி சாயி 
நித்தியம் நடந்ததே திரு பவனி 

டோலக்கு ஜால்ரா ஒலியுடன் வேதியர் 
ஹரி நாமங்களை ஜெபிப்பாரே 
தாள மிருதங்க ஒலியுடன் பக்தர்கள் 
சாயி நாமங்களை பஜிப்பாரே 

பள பளபள வென் ரு பல்லக்கு மிளிர 
தகு தகு டகுவென்று சியாமா நடக்க 
படபடபடவென்று வாண  வேடிக்கை 
சுடரொளி சுவர்க்கத்தை காட்டிடுமே 

இருபுறமும் வெண் சாமரம் வீசி 
நாற்புறமும் பல அடியவர் சூழ 
பொன்னொளி வதனம் சூரிய ஒளி போல் 
மின்னிட சாயி நடப்பாரே 

மனதில் இத் திரு காட்சியை ரசித்து 
தினமும் சாயியை வணங்குவோம்